Um Skautahöllina í Laugardal

Íþróttabandalag Reykjavíkur annast rekstur Skautahallarinnar í Laugardal samkvæmt samningi við borgaryfirvöld. Skautahöllin er mikið mannvirki, rúmleag 3.700 fermetrar að stærð, þar af er sjálft svellið 1.800 fermetrar. Skautahöllin tekur allt að 1.000 manns í sæti. Mikil áhersla hefur alla tíð verið lögð á að almenningur hafi greiðan aðgang að höllinni en jafnframt hefur Skautafélag Reykjavíkur sína æfinga og keppnisaðstöði í húsinu.

Skautahöllin í Laugardal
Múlavegi 1
104 Reykjavík

Sími: (+354) 588 9705 (1)
netfang: skautaholl@skautaholl.is

Grunnskólar höfuðborgarsvæðisins hafa nýtt sér aðstöðuna í miklum mæli og virðist sem skautaíþróttin eigi miklum vinsældum að fagna hjá grunnskólanemum. Skautafélag Reykjavíkur æfir í Skautahöllinni. Félagið býður upp á íshokkíæfingar og listskautaiðkun fyrir fólk á öllum aldri.

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Íþróttabandalagið sér einnig um rekstur Skautahallarinnar í Laugardal ásamt því að skipuleggja fimm stóra íþróttaviðburði sem fara fram ár hvert.