Afmæli og hópefli

Veitingar í Skautahöllinni

Skautahöllin í Laugardal er með veitingasölu á staðnum, þar er hægt að fá sér heitt kaffi og kakó, heitar samlokur, pylsur ásamt öðru góðgæti. Foreldrar og iðkendur í Listhaupadeild SR reka sjoppuna í fjáröflunarskyni. Veitingasalurinn hentar mjög vel fyrir afmæli eða aðrar uppákomur og þeir sem sækja veitingasalinn þurfa ekki að fara úr skautunum, þar sem dúkur er á umræddu svæði og því hægt að ganga á skautum þar. Það er tilvalið fyrir starfsmannahópa að taka sig saman og hittast á skautum og fá sér t.d. pizzur og gos, eða heitt kakó og kleinur. Athugið að panta þarf fyrirfram með því að senda póst á netfangið: skautaafmaeli@gmail.com.

Í veitingasal Skautahallarinnar eru stólar og borð sem hægt er að raða saman og gera til dæmis langborð fyrir afmæli.

Barna afmælispakkar - góð lausn

Aðgangur/skautar +2 pizzusneiðar og gos/djús: 1.850 kr. - á barn.

Afmælisbarnið má koma með afmælistertu með sér. Hægt er að fá aðgang að diskum, glösum og servíettum. Við komu í höllina þarf að staðfesta fjölda einstaklinga, hvernig pizzur henta ykkur best og hvaða drykki þið viljið fá.

* Ef einhverjir eru með eigin skauta þá lækka verðin um 200 kr.

Afmælin eru á:

Fimmtudögum kl. 17:00-19:00
Laugardaga  kl. 13:00-15:00 og 15:00-17:00
Sunnudaga kl. 13:00-15:00 og 15:00-17:00

Við bjóðum skólahópum og fyrirtækjahópum upp á veitingapakka:
Heitt kakó m/rjóma og 3 kleinur -  500 kr. - á barn.
2 sneiðar Pizzur og gos/djús - 900 kr. -  á barn

Bóka þarf afmæli með því að sena póst á netfangið: skautaafmaeli@gmail.com

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Íþróttabandalagið sér einnig um rekstur Skautahallarinnar í Laugardal ásamt því að skipuleggja fimm stóra íþróttaviðburði sem fara fram ár hvert.